صوتك فدك شريم

” صوتك ” صلا، و قداس لاهوتي
بمدبح حنانو دابت الالحان
“صوتك” قصيدة(ت) حب منحوتي
بتشبه قصايد” مي “من “جبران ”

“صوتك” عبادة، و نغمتو رقة
احكي بعد تا العمر يتحلى
“صوتك” صدى خلقان تيبقى
“صوتك” حقيقة من شغل الله

“صوتك” وحي، و ايمان و تراتيل
و شمعة(ت) أمل ما بتنطفي بنسمة(ي)
“صوتك” ل قلبي بعملو اكليل
رسمتو على شفافي متل بسمة(ي)
“صوتك” لغز ما في الو تحليل
بتخايل بصوتك قصايد قيس
تا يصير ليلى بالهوى اسمي

فدك شريم

اضف رد

لن يتم نشر البريد الإلكتروني .